1.
Hātea Kapa Haka - God of Nations / Aotearoa
2. Six 60 - Kia Mau Ki Tō Ūkaipō / Don't
Forget Your Roots
3. Stan Walker - Tēnā Rā Koe / Thank You
4. BENEE - Kua Kore He Kupu / Soaked
5. Drax Project - I Moeroa / Woke Up Late
6. Shapeshifter - Ngā Kano / In Colour
7. Kings - Kei Aro Atu Koe / Don’t Worry
Bout' It
8. Tiki Taane - Kei Tōku Ngākau Nei Koe /
Always On My Mind
9. Sons Of Zion - Pōtere Ana / Drift Away
10. Bic Runga - Haere Mai Rā / Sway
11. TEEKS - E Kore Rawa E Wehe / Never Be
Apart
12. Tami Neilson - Roimata / Cry Myself To
Sleep
13. Hollie Smith, Don McGlashan -
Kōrukutia/Bathe in the River
14. Katchafire – Karawhiua / 100
15. Drax Project – Tukituki Te Manawa
16. Bic Runga – Kāore He Wā / There
Is No Time
17. MELODOWNZ – Pai / Fine
18. Ché-Fu – E Kore E Motu / Fade Away
19. Annie Crummer – Hina Ki Tai / Ocean
Moon
1. HĀTEA KAPA HAKA
AOTEAROA / GOD DEFEND NEW ZEALAND
Written by J.J. Woods and T.H.
Smith.
Arranged by David Tapene
E Ihowā Atua,
O ngā iwi mātou rā
Āta whakarongona
Me aroha noa.
Kia hua ko te pai
Kia tau tō atawhai
Manaakitia mai
Aotearoa
2. SIX60
KIA MAU KI TŌ
ŪKAIPŌ Youtube
DON'T FORGET YOUR ROOTS Youtube
Written by J. Fraser and M.
Walters
Published by Kobalt
Translated by Sir Tīmoti Kāretu
Kia mau ki tō ūkaipō
Kia mau hoki ki tō whānau
Kia mau ki tō ūkaipō
I tangata ai koe
I hari mai i a koe
Kia mau ki tō ūkaipō
Kia mau hoki ki tō whānau
Kia mau ki tō ūkaipō
Tangata pai a Hone
Pakari ana te tū mai
Takatū ana, tāria ana e te ao
Tē hoki mai, tē auraki mai
Ngaro ana i a ia te mana
He ao hurihuri, he ao horihori
Tāweko ana te taura tangata
Motu ana te taura karawa, ā…
Pōhēhē ana a Hēni
I te huarahi tika ia
Mahue ngā hoa, haere atu ana
Tē huri mai anō
Ngaro ana i a ia te mana
Kimi tikanga hou, he ao horihori
Tāweko ana te taura tangata
Motu ana te taura karawa, ā…
Ka mate! Ka mate! Ka ora! Ka ora!
Ka mate! Ka mate! Ka ora! Ka ora!
Tēnei te tangata pūhuruhuru
Nāna nei i tiki mai
Whakawhiti te rā
Upane, ka upane
Upane, ka upane
Whiti te rā!
3. STAN WALKER
TĒNĀ RĀ KOE Youtube
THANK YOU Youtube
Written by Stan Walker, Vince
Harder and Michael Fatkin
Copyright Control and Universal Music Publishing
Translated by Sir Tīmoti Kāretu
Kāore i tua atu i a koe
Kei taku whakakai marihi
Āwhina mai ana
Whakahau mai ana
Ko koe tōku wahine toa
Ko koe anake rā te wahine
I a ia tōku ngākau
Tōku toka tū moana
Kitea ana e koe he ara whakaatu mai i tōu aroha
Ahakoa tō mamao i a au kei tōku taha koe
Tēnā rā koe
Kāore i rawaka
Ahakoa ngā pātari
Pau kore ana te aroha
Kāore he kupu kē atu, ka nui taku aroha
Tēnā rā koe
Kia mōhio mai kore rawa e rawaka
Whakatika mai ai koe
Tohutohu mai ai koe
Kia pai ake tōku āhua, ka pōrohe ana
Āki mai ai koe, hē ana, murua ana
Tēnā koa īnoi mōku
Tēnā koa īnoi rā mōku
Tēnā rā koe, tō manawanui kē
Aroha mai ana koe
Kitea ana e koe he ara whakaatu mai i tōu aroha
Ahakoa tō mamao i a au kei tōku taha koe
Written by Stella Bennett,
Joshua Fountain and Djeisan Suskov
Copyright Control
Translated by Sir Tīmoti Kāretu
Wahangū ana te noho
Tē puta i a au he kupu
Haere ana a mahara
Tē taea te pupuri
I hē tāku ki a koe
Koinei i roa ai
A muna kua tino ara
Tē aro ka pēnei
Kua kore he kupu
Mō rā kē atu
Puta ana he kupu, waipuketia atu ana
Kua kore he kupu
Tē aro he kupu
He āhuatanga tōu, e tōreretia nei, āe rā
He āhuatanga tōu, e tōreretia nei
Tiro mai koe anō i patua
Mahue ko ngākau marū
Nā, kua raruraru au
Miere ana te tinana
I hē tāku ki a koe
Koinei i roa ai
A muna kua tino ara
Tē aro ka pēnei
5. DRAX PROJECT
I MOEROA
Youtube
WOKE UP
LATE
Youtube
Shaan Singh, Matt Beachen, Sam
Thompson,
Ben O'Leary and Devin Abrams
Universal Music Publishing Australia
Translated by Sir Tīmoti Kāretu and Jeremy Tātere MacLeod
I moeroa
Hoi ana i te kāinga
Pūkoro piako
Kōrekoreko iho ana te rā
Takoto ana i moenga kē
Kātahi tonu ka tūtaki
Rangirua ko ngā mahara
Kua oho mai hoki koe
I tōku taha i tōu nā
Nā te hou waia kore ana
Tōku ingoa i mau?
Pēhea rā te moeroa
Tē aro i hea rā au
Āe, e pai ana
Inapō, hono i te tahi
Inu ā rua noa
Kani ā whā noa
Taki ki te kāinga
Oho ā ao noa
Moe ā pou te rā
Karawhiua mai anō
Auē te reka e
Kei taku waha, i kaha rawa inapō
E pai noa ana
Nāhau, e te tau
Me haere, me noho rānei?
Wātea ana i tēnei rā
Āe, e pai ana
Tino māmā nei kia rehu ngā rama
Tino māmā nei nō tāua te pō
Tino māmā nei kia rehu ngā rama
Tino māmā, māmā nei, te tino māmā kē
I moeroa
Hoi ana i te kāinga
Pūkoro piako
Kōrekoreko iho ana te rā
He pō i pai me tō wai anō
Neke atu ana i te hoa noa
Āe, e pai ana
6. SHAPESHIFTER
NGĀ
KANO
Youtube
IN
COLOUR Youtube
Written by Devin Abrams, Paora
Apera, Nicholas Robinson and Samuel Trevethick
Published by Native Tongue
Translated by Sir Tīmoti Kāretu
Me i a koe te mana, ka aha koe?
Ka kaha rānei koe ki te whakahou?
Ko pārū rānei ka kahurangi?
Ko ngā kano me muramura
Ki te pakanga kore, ka mamae kore
Ruke atu i te hē, i te pōrangi
Āmikihia mai, ka porowhiu ai
Ko ngā kano me muramura
Ko ngā kano me muramura, āe
Ko ngā kano me muramura, āe rā
Ko ngā kano me muramura, āe
I te wā o te kōruki
Nāu ia, korekore ana
Pūao mai te atatū
Ko ngā kano me muramura
I te mutunga iho
Pai tū pai hinga
Nā wai ka oti
Ki te taea he tīmatatanga hou
Ngā raru hoki kia tere moana
Ka tai pari mai, kua ora anō
Ko ngā kano me muramura
Muna kore ana, tīmata hou ana
Ko ngākau ka marū, ka mamae
Kia piki rangi kua ora anō
Ko ngā kano me muramura
7. KINGS
KEI ARO ATU
KOE
Youtube
DON’T WORRY BOUT' IT Youtube
Written by Kingdon
Chapple–Wilson
Copyright Control
Translated Te Korou Whangataua
Kia tau te mauri
Mahia te mahi a te taiohi
I wawe rawa te pakeketanga
Kia hoki noa ki taua wā
Ahakoa tonu auahi ana
I te taha o ōku parata
Rere ana me he waka
Tē aro atu nei
Tē aro atu nei
Kei aro atu koe
Kei aro atu koe
Hoki ngā mahara
Ki taku tamarikitanga
Karekau ō tiriki
Uuu te mauri
Ā muri kura, papa reti
Hui mai te kāhui
Ki te tōnga o te rā, papa reti
Kimihia he panekoti
Hoake ki te tāone
Momi taru me he tāne
Me whakanui i te tau hou
Ahakoa karekau he moni
E pōhara ana me he hauhau
Hei aha te pouaka whakaata
Ka pāinaina i ngā hīhī o te rā
Tipu rawa kore mai ana hō!
Poitūkohu, koinā te pakō!
Karekau he tīhau
Kāre au i whaumau
Karekau he Ūpa
Hikipapa ki te mōro
Hei, hei, oma atu i te tūtei
He tamariki haututū
Haere mai, āpiti tū
Koia aku tino tau
I tua o tāwauwau
Inumia te kawa
Haramai te mana
Ko te ihi me te wana, whītiki tāua!
Aua atu ana ko te wā
Hau ana te rongo i te Paeāhua
He Atapaki kia whai apataki
Huri te wā
Pūmau tonu ana
Kia tau te mauri
8. TIKI TAANE
KEI TŌKU NGĀKAU NEI KOE Youtube
ALWAYS ON MY
MIND
Youtube
Written by Tiki Taane
Published by Tikidub Productions Ltd
Translated by Sir Tīmoti Kāretu
Kei tōku ngākau nei koe
I ngā wā katoa
Kei tōku ngākau nei koe
Mahara tonu nei au
Te hono tuatahi
Mātau tonu ana au
Me mōhio ahau
Me tino mōhio ahau
Ka pō ko koe tōku ao
Kei tōku ngākau nei koe
Roa te taringa
Nāu ko tēnei waiata
Tē aro tāu i whiwhi
Kia ngaro rawa
E kaha nei te aroha
Nāu i kapa ai te manawa, e kō
Kei tōku ngākau nei koe
Koinā tāu mai
Nāu i tuki ai te manawa, e kō
Ariki mai koe, ariki atu au
Wehi kore ahau, te puaki i ngā kupu
Kei rongo pea ōku hoa
Nā tōu āhua mai
Kei te hei piripiri
Homai nei i tō katoa
Kua huri nei tōku ao
Tē aro nei i a koe
Nā konei me puaki
Ko koe te katoa
Tōku tino katoa
Kia kī noa mai koe
Nāu i kapa ai te manawa, e kō
Kei tōku ngākau nei koe
Koinā tāu mai
Nāu i tuki ai te manawa, e kō
Ariki mai koe, ariki atu au
Kei tōku ngākau nei koe
I ngā wā katoa
Kei tōku ngākau nei koe, āe
Kei tōku ngākau nei koe
I ngā wā katoa
Kei tōku ngākau nei koe
9. SONS OF ZION
PŌTERE
ANA Youtube
DRIFT
AWAY Youtube
Written by Matthew Sadgrove
Copyright Control
Translated by Sir Tīmoti Kāretu
Wawata noa
He hau maiangi ki ngā makawe
Raruraru kore, me ōu…
Moehewa
Ko tāua noa iho
Hoake rā
Ko tāua tāua
Takoto pū ana
Rarā ana ko te irirangi
Reka kē ana
Ki hea atu hoki
E kore e wehe
E kore hoki e mokemoke
Kupu i takoto
Kupu i takahia
Te raumati ka maharatia
Te reka o ō ngutu
Te tōnga o te rā
Ora ana au i te raumati
Ka moe tū tonu te mahara
Pōtere ana
Pōtere ana
Wawata tonu
Pō ana te ao
Nā ōu mata
Ko tāua tāua
Whakarehu ana
Ngā wāhi ngā tāngata ka kitea
He whare taha tai
Wae tamariki
Koirā noa iho
Takoto pū ana
Rarā ana ko te irirangi
Reka kē ana
Ki hea atu hoki
E kore e wehe
E kore hoki e mokemoke
Kupu i takoto
Kupu i takahia
Pōtere ana
Wawata noa
Auē, te koa
Written by Bic Runga
Published by Warner Chappell
Translated by Sir Tīmoti Kāretu
Kei kōtiti
Kei haere atu koe
Me mātau kē ake ahau
Ko tērā kei runga, ko au kei raro
Ka tūtuki tāua
Anō nei ko koe tōku moana
Hūtia ake
Kei toromi au
Tukua ahau
Ko koe te tino take
Anei ahau
Tē taea te aha
Te haratau nei i tō ingoa
Kī atu au ki a koe
Kāore e tika, te mātai i a koe
Ngā mea whai tikanga
Kia maringi mai i te waha
Kua eke rā
Ki te kī atu ki a koe e pono ana
Ka noho koe
Kei haere mai, ka haere
Kaua rā
Haere mai rā
Me mōhio ahau
Ki tōu katoa
Kāore he rongoā
E tino mōhio ai
I huri rapa ai tōku ao
E tipu nei te pōkaku
Takeo ana au
Wana kore ana
Ko hirikapo ki te ngākau
Tē aro rā me aha
Ināianei, kua kawa
Kia reka te ahiahi
Nāu rā e te tau
11. TEEKS
E KORE RAWA E WEHE
Youtube
NEVER BE APART
Youtube
Written by Te Karehana
Gardiner-Toi
Copyright Control
Translated by Rob Ruha
Ina koe kua marere
Marere i ahau e
Nāhau rā te iti kokonga
Tāngamanawa i tikarohia
Hotuhotu ana, ko roto i ahau e
Hei whai tokorua, hei hoa haere
He wai i aku kamo, he whetū i te rangi
I aku mahara, ka kitea
I te awatea, i te kōmuringa
Me te hau miri kiri, ka kitea
E kore rawa e wehe
Ka tāpaea kia moe tahakura i te pō, i te pō
He wai i aku kamo, he whetū i te rangi
I aku mahara, ka kitea
I te awatea, i te kōmuringa
Me te hau miri kiri
Ka kitea, e kore rawa e wehe
12. TAMI NEILSON
ROIMATA / CRY MYSELF
TO SLEEP Youtube
Written by Tami Neilson
Published by Native Tongue
Verses translated by Sir Tīmoti Kāretu
Chorus translated by Tama Waipara
Ka mihi au ka mene au
He oha au, he huatau
Ia wa ka hipa mai koe
Ka tangi au kātahi ka moe
Kata ana au me ōku hoa
Ka koa i tōku pai haere
Wehe ana ka mene ahau
Ka tangi au kātahi ka moe
Ka whiti te marama
Ka hoki ngā mahara
Ka haramai aku roimata
Whakarākei ake ana au
Ka kakara, korekore ana
Takoto ana i ōku hīti
Ka tangi au kātahi ka moe
13. HOLLIE SMITH & DON MCGLASHAN
KŌRUKUTIA
Youtube
BATHE IN THE RIVER Youtube
Written by D. McGlashan
Performed by Don McGlashan and Hollie Smith
Used with permission from Native Tongue Music Publishing
Courtesy of Don McGlashan
Translated by Tweedie Waititi
Me he manu
E mau kōrapa ana
Tukuna au
E mahue ake rā i ahau
Tangi rohai atu rā
E rere rā
Kawea au ki tōku oranga
Tukuna atu ahau, kōrukutia
Whakarangatira, kōrukutia
Auaka rā e tangi noa
Te ara whaiwhairoa
Tē wehi i ahau
Mahea ake rā
Te whakapono
Tukuna au
E rere rā
Whakaaria mai rā tō ara
Tukuna atu ahau, kōrukutia
Whakarangatira, kōrukutia
Auaka rā e tangi noa
Te ara whaiwhairoa
Awa rearea, e kuhī ana
Wai aroha, turakina ki raro rā
Tukuna atu ahau, kōrukutia
Whakarangatira, kōrukutia
Auaka rā e tangi noa
Te ara whaiwhairoa
Written by L. Bell S. Maxwell,
M. Sadgrove
Performed by Katchafire
Translated by Paraone Gloyne
Kei te rori Hanu ki a Hune
Wā taka pokea, kua tata hemo
Ono wiki taku haku
Aotearoa, auē e te tau
Māmā, te aroha
Kei te rongo i a koe e karanga ana
Kia kaha rā, ko runga tēnā
Karawhiua, e Mā kia ū
Inā te mihi i tō morimori
Nōku i tō kōpū
Kia kaha rā, ko runga tēnā
Karawhiua, e Mā kia ū
Inā te mihi i tō morimori
Nōku i tō kōpū
Pai a JB, pai a pāpā
kia mōhio noa koe kua ongeonge
Māmā, auē
Pēwhea a LB Junez?
Me tō umu
Kia rongo anō koe i te aroha e
Māmā, auē
E hine mā, te aroha
Tēnei au te angitu
E tama mā, te aroha
Tēnā tiakina te hapū
Aotearoa, auē e te tau
Māmā, te aroha
Kei te rongo i a koe e karanga ana
Kia kaha rā, ko runga tēnā
Karawhiua, e Mā kia ū
Inā te mihi i tō morimori
Nōku i tō kōpū
Kia kaha rā, ko runga tēnā
Karawhiua, E Mā kia ū
Inā te mihi i tō morimori
Nōku i tō kōpū
Pai a JB, pai a pāpā
kia mōhio noa koe kua ongeonge
Māmā, auē
Pēwhea a Albi Junez?
Me tō umu
Kia rongo anō koe i te aroha e
Māmā, auē
Nei mātou te ngangana
Kua roa tōku tamōtanga
Taku kauwhau he tika
Ā hoki noa ki te kāinga
Ono wiki taku haku
Ka whakamiha, e Māmā
Ka whakamānawatia
15. DRAX PROJECT
TUKITUKI TE
MANAWA Youtube
Written by S. Singh, M.
Beachen, B. O’Leary, S. Thomson
Performed by Drax Project
Translated by Sir Tīmoti Kāretu
Ki te kore mai rā, ka pīrangitia
Me takahi au i ara kē, whiwhi ai ahau
Hoi anō me tangata e pātuki ai te manawa
Mehemea harakoa, minatia mai ana
Aku rawa katoa, haria atu
Hoi anō me tangata e pātuki ai te manawa
Ki te tika mai te ipo, ka tino pai kē
Inā piri tāua, anei rā te pātai
E aro ana, me āta haere tāua
E hāneanea ana
Taea ana te tere ake, ki te piri tonu tāua
Kia āta haere, kāore
Pōhēhē te tangata, me kura huna rawa
Ehara i te mea me hauroa, e noho ipo ana
Hoi anō me tangata e pātuki ai te manawa
Ki te tika mai te ipo, ka tino pai kē
Inā piri tāua, anei rā te pātai
E aro ana, me āta haere tāua
E hāneanea ana
Taea ana te tere ake, ki te piri tonu tāua
Kia āta haere, kāore
Kāore te tangata e mōhio, kia ngaro rawa
Ka whakakau ki te ao whānui
Kia rongo mai, ka pai
He taupuhi rā tāku, e tukituki nei te manawa
16. BIC RUNGA
KĀORE HE
WĀ
Youtube
Written by B. Runga / C.
Nielson and C. Mitchell
Performed by Bic Runga
Translated by Sir Tīmoti Kāretu
Kāore he wā
E aweke ai i a tāua kei konei
Te raru o te ao
E kore te raru e pā atu
Haumaru ana koe i konei
Ka mātau ana koe, he aha tāu i rongo ai
Mahea ana te raru o te ao
He auahi ko te hau tōna rite
Mōhio tonu ana te manawa ki te aronga
Mōhio tonu ana te manawa ki te orange
Kāore he wā
E aweke ai i a tāua kei konei
Te raru o te ao
E kore te raru e pā atu
Haumaru ana koe i konei
Ka mātau ana koe, he aha tāu i rongo ai
Kāore he wā, kāore he wā e kakari ai
He aha te hua o te hekenga roimata
Pōhēhē au ko ia nei te ara aroha, ake ake
Ko motuhenga tamō ana
Ko teka ka ngaro
Written by B. Price and
J.Ruhen
Performed by MELODOWNZ
Licenced courtesy of Universal Music New Zealand Limited
Translated by Hana Mereraiha
Kia tau te mauri
Ka nui te pai, te harikoa
Tē mahara kē ai
Ka nui te pai, te harikoa
Pātōtō poka noa
Arā ngā pōhēhē ki ōku hoa
Ko te nuinga kē he mātātoa
Āe, pono
Tātou katoa nei, kua taka ki te hē
He āhua tē taea te kaupare
Ki konā koe mate wheke mai ai
He aha te aha ka pahawa, e tai?
Koia pū
Kei te kaha te pīrangihia ōu
Kei te kaha te pīrangihia ōku
Noho ana i a Papatūānuku - hurō
Nō te whenua o te Atua ahau
E karore haere ana i tēnei ao hou
E whai wāhi mai ai koe, engari mō tēnā
Me whakaahua kia pēnei, kia pēnā - tēnā
Tēnā me whakaiti,
I mua tonu i te pahū
Kei raro te rahurahu!
Wai ka hua, he aha rā kei tua.
Manaakitia tō hirikapo
Ka nui te ora, te pai
Ko te aroha, tukua, āe
Pātuhi mai, kia inu ngātahi ai
Ka nui te pai, te harikoa
Tē mahara kē ai
Ka nui te pai, te harikoa
Pātōtō poka noa
Arā ngā pōhēhē ki ōku hoa
Ko te nuinga kē he mātātoa
Āe, pono
E ora ana te wairua
Waiho atu koe ki konā noho ai
Whāia rā te wairua pai
Ko te kai tāna i hiahia ai
Te ihi, te wehi, te wana
Hei aha ngā kiriweti nā
kia taiea mai hoki
Hei aha māku ngā whakawai a ētahi
Ka nui te pai
Ko te waina taku kai
Ko te harikoa me whai
Whiua te aroha ki ngā hoa
Kia mau ki tō rongomaiwhiti
E poho kererū ai taku whāea
whai whakaaro ki te taha pūtea
Ahakoa ngā heitara, koke whakamua
Kia tau te mauri
Ka nui te pai, te harikoa
Tē mahara kē ai
18. CHÉ-FU
E KORE E
MOTU
Youtube
FADE
AWAY
Youtube
Written by Che Kuo Eruera Ness
Performed by Che Fu
Translated by Hēmi Kelly
Au, au, au, auē
Kore rawa au i mahara
Ko koe ka puta ki tua e
Tōku hoa taupiri, tē hurihuri
Kia hoki mai koe, anei tāku e
E kore te hono e motu – auē
Ka ita, ka mauroa – e kore e motu
E kore te hono e motu
Ka ita, ka mauroa – auē
Ko mahara, waipuke ake
Ki ā tāua kōrero rā
Mō ngā whenua i moemoeātia
Wai ka hua ko koe tēnā
Ka puta ki te piki maunga, toro moana
Anō kei tō taha ahau e piri ana
Ko au, ko koe
Haere nei te wā, auē
E kore te hono e motu – auē
Ka ita, ka mauroa – kore rawa
E kore te hono e motu – e kore rawa e motu
Ka ita, ka mauroa – ka mauroa
Au, au, au, auē
Kore rawa au i mahara
Ka puta au ki tua e
Tōku hoa taupiri, tē hurihuri
Kia hoki ahau, anei tāku e
E kore te hono e motu – auē
Ka ita, ka mauroa – e kore rawa
E kore te hono e motu – e kore rawa
Ka ita, ka mauroa
Kia puta rā tāua ki te piki maunga, toro moana
Anō kei tō taha ahau e piri ana
Ko au, ko koe
Haere nei te wā, auē
E kore te hono e motu - auē
Ka ita, ka mauroa – e kore rawa e motu
E kore te hono e motu – e kore rawa e motu
Ka ita, ka mauroa – auē
Au, au, au, auē
19. ANNIE CRUMMER
OCEAN MOON / HINA KI TAI Youtube
Written by Annie
Crummer
Performed by Annie Crummer
Translated by Pānia Papa
Te tai aroha o Kiwa
Ki a Hina ki runga
Te atarau tīahoaho
Kua mau koā te hono
Āmai aroha, āmai aroha, āmai aroha
Te kite nei au to mata
I roto te marama
Manako nei au
Inangaro ia koe
Āmai aroha, āmai aroha
Ka mahuta a Hina i tō mata
He tūtohu mai i runga rawa
Te kōpura whetū
Te uma o Rangi
Kua tino pōātinitini nei e, inā rā
Āmai aroha, kua tino pōātinitini nei e, inā rā
Āmai aroha, āmai aroha, kua tino pōātinitini nei e
Āmai, āmai aroha, āmai aroha
Pō mārie, pō mārie, e Hina
Nau mai te rā, Tama-nui-te-rā
E moe e Rā, e moe e Rā
E ara whetū, e ara
Āmai aroha, kua tino pōātinitini nei e, inā rā
Āmai aroha
Piri mai, piri
i mai, piri mai
Āmai aroha, piri mai
|